近年流行 首尔婚摄 ,个个去完都话正过喺香港影100倍,价钱唔贵而且相片质素超水準!究竟只係「外国的月光特别圆」?而且人生大事又是否真係值得「拣首尔、弃欧洲」?今次由记者亲自出马,同相识7天的Model Esterlie齐齐「献身」去首尔影无恋爱婚摄,试匀韩式化妆、拣婚纱、影室内Studio、曝晒外景拍摄、甚至挑战传统韩服婚摄,为大家睇睇韩仔摄影师影出嚟啲相係咪特别靓!

 

採访:Alex @A君的泡菜日誌

Photo: Urban Studio、Woody

Model: Esterlie Kwok @ Pure Models

01| 明星级化妆享受 但真係要等3个钟……?

无错!事前被通知要5:30am 集合,就係要去化妆!由助手初步整理髮型已经用咗1个钟,最夸张是化妆,净係睇到枱上放满化妆品实在吓一吓,而专业化妆师行动前会了解你平日的化妆习惯,再挑选适合的妆容,Esterlie 都大讚:「好似变咗韩星,享受明星级服务!」期间更会「化到上心口」以防肤色不一,实在超专业!最后由Stylist 作最后整理,真係足足用了3个钟,不过睇住Esterlie 由港女变韩风女神(真心觉得靓咗),佢自己都形容妆容「零死角无瑕疵」,比起香港化妆3个钟化晒新娘+所有伴娘,就知道值回票价吧!不过以上过程属于女士专用,男仔Set 头化妆一个钟搞掂,其余时间?慢慢等吧……

记者献身实测 首尔婚摄 甜蜜过程全面睇
睇睇枱上的化妆品,Esterlie见到劲兴奋,净係打底都已经用咗4款粉底液,难怪个妆持久又无暇!
记者献身实测 首尔婚摄 甜蜜过程全面睇
男士妆容唔会太夸张,反而髮型会比较花心思!当地男士兴露额Style,M字额男士唔想出丑记得出声!
记者献身实测 首尔婚摄 甜蜜过程全面睇
等……等……等……3个钟的过程,男士有2个钟都係等!
记者献身实测 首尔婚摄 甜蜜过程全面睇
去到婚纱店,见到100+款婚纱已经见头晕,仲未计男士礼服都有50+,好彩度身后有「阿朱妈」专业推介。

 

记者献身实测 首尔婚摄 甜蜜过程全面睇
Alex:「男人等老婆係天公地道,不过都建议带定充电器,因为我电话睇剧打机玩到无电!」
02| Studio出现假胶花 影相会出事吗?

唔洗惊!因为有专业名师操刀,执相后会有奇蹟出现!虽然去到Studio见到「深圳版」场景实在失望,场假玫瑰睇落真係非常假,我同Model都吓一跳:「山长水远过到嚟,竟然影假花?」好彩专业摄影师Jun Chae开会讲解摄影过程同了解想要的感觉,所以影相过程算顺利,不过摄影师要求极高,个头郁少少都会被要求改正,真係放鬆少少都唔得,专业Model Esterlie 都话辛苦!不过由出名摄影师操刀,执完相真係有惊喜,复古效果令照片有唯美感,摄影师又捕捉到深情对望一刻,同事一睇到都讚靓,看来韩国人执相真係有一手,好满意!

记者献身实测 首尔婚摄 甜蜜过程全面睇
你睇!啲花真係好胶!当初见到呢个情况,我真的很担心。
记者献身实测 首尔婚摄 甜蜜过程全面睇
拍摄前会先开会讲解新人有咩要求,记得出声。
记者献身实测 首尔婚摄 甜蜜过程全面睇
Esterlie非常满意的作品,话就算有网纱,只眼都有执大咗!
记者献身实测 首尔婚摄 甜蜜过程全面睇
成功!假胶花场景执相后有Filter同Effect,张相立即靓咗100倍!
记者献身实测 首尔婚摄 甜蜜过程全面睇
韩国婚摄主打复古风格,执相后浪漫感觉大大提升。
03| 天台暴晒 为影一张相可以去到几尽?

睇朋友去首尔婚摄,去一个场面可能只係为影一张相!影婚摄时正值八月,今次被要求烈日当空上天台暴晒,就只为一张婚纱飘逸的相。张相要求係要我同Esterlie 深情对望鼻碰鼻,就Pose 而言其实唔算困难(我们都是专业的),但婚纱飘逸的效果就要助手在按下快门的一刻帮忙拉线,要计準时机真係要花功夫,经历了无尽挫折后,试了30分钟终于成功,以为大家可以拍手收工?错!摄影师Jun Chae 叫大家继续,因为婚纱形状唔够完美,最终为了这张相足足试了1个钟!你问值唔值得?话晒係人生大事,机会只得一次,而且摄影队长劲有心机陪你慢慢试,辛苦1个钟换来超靓作品,点计都有着数吧!

记者献身实测 首尔婚摄 甜蜜过程全面睇
实在太热,一有时间都要躲在树下休息!
记者献身实测 首尔婚摄 甜蜜过程全面睇
影相时正值中午12点,烈日暴晒!执相后竟然有夕阳,韩剧Feel满分!
记者献身实测 首尔婚摄 甜蜜过程全面睇
睇落好似好浪漫?其实Esterlie当时係直视太阳,影到流眼泪!
04| 韩服婚摄 值唔值得试?

每逢大时大节,韩国人都会穿着传统韩服,结婚当然唔例外,加上近年亦兴起韩服婚摄,我同Esterlie 当然要一探究竟!换衫上其实比较麻烦,因为要在车上更换,而且香港人一定唔识着,好彩整个拍摄过程有一位阿朱妈跟身,除了帮手补粉吸面油,换韩服真係靠晒佢!会有礼仪要遵守吗?问过随行翻译,其实并不严格,但提提女士唔好太粗鲁,事关韩服是韩国传统象徵。而影相时反而好好笑,因为摄影师要求我同Esterlie 摆的Pose 实在非常「传统」,例如Esterlie 要双手拎起裙尾扮怕羞;我深情望佢时要左手放后腰,影出嚟的效果就似「唐伯虎点秋香」!不过Esterlie 非常「冧冧猪」,原来佢话「比起婚纱,更想影韩服,因为一生人一次好特别」,所以男士们想哄老婆仔,值得一试呀!

记者献身实测 首尔婚摄 甜蜜过程全面睇
韩服唔一定影到好传统,今次去壁画村,同卡通影仲特别吧!
记者献身实测 首尔婚摄 甜蜜过程全面睇
韩服裙摆非常长,行路时经常要拎起,以免整污糟要赔钱!
记者献身实测 首尔婚摄 甜蜜过程全面睇
港女必试粉红款,但如果想结婚感重啲,可拣较华丽的款式!
记者献身实测 首尔婚摄 甜蜜过程全面睇
由于经常面贴面,吸气呼气时对方一定感觉到, 忍唔住笑就会失败,NG!
05| 首尔婚摄多数一式一样 如何可以影到有惊喜?

好多人喺韩国影婚摄,都会着礼服去大路靓景点,着韩服时就去韩屋村,其实好闷喎!近期韩剧大热穿越时空(《阁楼皇太子》、《仁显皇后的男子》,甚至刚开播的《步步惊情-丽》都係类似主题),所以今次决定反传统,试试着礼服去韩屋村影,营造新旧反差感,效果原来都唔错喎!问过摄影师,原来好少人会有呢个要求,所以会有新鲜感,不过户外景+3件套装礼服,真係热到差啲中暑,所以劝大家秋天才是去首尔婚摄的好季节!要留意的是,韩屋村要游客必到景点,拍摄当时有超大班人围观,仲惨变布景板被要求合照……Esterlie 惟有安慰自己:「我人生第一次被人叫合照呀!」而翻译Karen 就推荐怕尴尬者可拣平日早上去影,咁就唔怕做布景板啦!

记者献身实测 首尔婚摄 甜蜜过程全面睇
着礼服去韩屋村影,好似穿越时空,感觉几特别!
记者献身实测 首尔婚摄 甜蜜过程全面睇
在湖边深情对望非常有意境,被同事评为Best Pick之一!
记者献身实测 首尔婚摄 甜蜜过程全面睇
年轻新人可叫摄影队準备可爱小道具,影出嚟效果带玩味感,唔错!
记者献身实测 首尔婚摄 甜蜜过程全面睇
夏天影户外婚摄实在太热,好彩有自备巴蕉扇(当然……全程都係让咗畀Esterlie的)。
s.a. wedding

电话:2543 8826

网址

首尔婚纱摄影2天

费用:$22,999起

内容:2日1夜拍摄行程,第一日先试婚纱;第二日则4小时拍摄(独家指定Studio场景及1个外景)

费用已包括:婚纱礼服租借(女:2套长婚纱、1套短婚纱及1套晚装,男:2套礼服)、免费机场及拍摄景点来回专车接送、Urban Studio摄影师、韩国化妆师、翻译、1名助手、30页相簿、1张油画及3晚公寓式住宿


上一篇:
下一篇: