作为旅游记者,每月最少都要飞一转,平均每3个月就要搭 长途机 。不过,唔少行家听到「 长途机 」三个字,往往期待又怕受伤害!係,可以逃离香港的确好正,但闲闲哋搭十几个钟飞机都咪话唔辛苦!如果出差前几日唔够瞓(其实每次都唔够瞓)、抵抗力奇差之时,在满布细菌的机舱更加惨情!身经百战的我,每次 搭长途机 都会準备7件法宝,有的更问过家庭医生意见,希望大家都用得着呢!

text: [email protected]阿妹今晚去旅行

记者教路!搭 长途机 7件必备法宝
搭长途机除咗要带外套同耳筒,此外我必定会準备7件法宝!
01 | 暖水壶

唔少空姐朋友都叮嘱我尽量少饮机舱热水,涷水如非樽装水都可免则免,皆因机上食水缸细菌超标时有发生!搭长途机唔饮水,咪玩啦!空姐朋友教我自备暖水壶,于入闸后到饮水用区斟热水,上机就唔怕冇水饮啦!

记者教路!搭 长途机 7件必备法宝
入闸后扶手电梯落一层,跟着指示牌可搵到饮水用区。
记者教路!搭 长途机 7件必备法宝
记得带备暖水壶莓斟热水啊!
02 | 充气颈枕

当我见过无数个缺德乘客将机上枕头当地垫用(鞋都唔除),便深深明白自备枕头的重要性。众所周知,棉花颈枕最舒服,质地最似枕头,只可惜每次出差行装爆多,拖板、几十个充电器已经令行李厢不胜负荷,为咗悭位,充气颈枕才是我杯茶呢!

 

记者教路!搭 长途机 7件必备法宝
颈枕对长途机旅客真係超级紧要!

记者教路!搭 长途机 7件必备法宝

03 | 蒸气眼罩

由于工作关係导致睡眠不足,每次上机唔够15分钟就会自动瞓着,可惜世事不如人意,曾试过被空服的Duty free出场亮灯照醒,自此我便明白眼罩的重要性,蒸气香薰眼罩除可热敷,亦会散发清香气味,敷完个人都relax啲,热敷后还可作普通眼罩用,实用到爆。

记者教路!搭 长途机 7件必备法宝
真心推仲蒸气眼膜,朋友试过都话唔错!
04 | 压力袜

大部分长期站立或坐office的人士都会受静脉曲张问题困扰,令小腿肌肉绷紧或肿胀,我明!我真係明!尤其 搭长途机 ,落机一刻真係坐不堪言,因此一对压力袜必不可少!压力袜有分袜裤及两节式选择,前者塑型更全面,后者易着易除兼冇咁焗脚,视乎阁下所需。

记者教路!搭 长途机 7件必备法宝
香港万宁屈臣氏都会搵到日本牌子的压力袜,拣唔啱?淘宝有唔少好选择!
记者教路!搭 长途机 7件必备法宝
唔想落机只脚肿过猪蹄,压力袜一定帮到你。
05 | 护肤品

机舱冷气超级涷,环境乾旱令一众拥有敏感肌膏的女生都相当头痕,以我为例,块面会经常起一挞挞红肿粒粒;受湿疹影响的双手丧甩皮;嘴唇爆擦唔在讲!因此搭长途机,一定要带最最最滋润的护肤品!此外,我会带定包防晒sample,皆因万呎高空的紫外线极高,女士唔想出斑千祈唔好偷懒!

记者教路!搭 长途机 7件必备法宝
记得旅客不能携带超过100毫升的液体,敏感肌人士记得买樽仔装起用开的护膏品啊!
06 | 口罩及平安药

天生鼻敏感的我,一搭飞机,鼻水多到吓坏人。遇着抵抗力麻麻的话,全盛时期仲打过过百个乞嚏!后来问家庭医生,他提议鼻敏感人士可带备口罩,阻隔髒空气之余,更可令鼻前空气暖和,呢招万试万灵!市面上亦有售卖保湿口罩,不过本人认为普通口罩都够用!假若开始作病,头痛药及维他命C都要带定傍身,最后我发现,每次就算自己唔需要,身边都总有行家啱用,SOSAD!

记者教路!搭 长途机 7件必备法宝
市面上亦有售卖保湿口罩,不过本人认为普通口罩都够用!
记者教路!搭 长途机 7件必备法宝
身体状况欠佳的朋友,搭长途机记紧带定少量平安药啊!
07 | 帽及髮尾油

去得旅行都会想selfie呃like,奈何机舱的超强静电令姐髮型尽毁!因此上机我会习惯带顶冷帽,尽量令髮型唔好走样!不过顾得个头时,髮尾又会小飞飞,「撩」到块面鬼咁痕,因此我个化妆袋总会带定枝迷你版髮尾油呢!

 

记者教路!搭 长途机 7件必备法宝
机舱劲乾燥,每次头髮乱咁飞,有了冷帽及髮尾油,随时随地selfie冇难度!


上一篇:
下一篇: